Les mots surlignés font l'objet d'une note
15 mars 1573.
2Reçue à Grenoble, le 13 mars 1573.
3Monseigneur, j’estime qu’aurez entendu le changement du
4voiage du roy qui au lieu d’Angers, il ira faire pasques à
5Fontainebleau où il se rendra vers la semaine saincte,
6comme feront aussi au mesme temps messieurs du conseil
7qui sont encores en ceste ville. Je remetz là à reprendre
8la poursuyte de noz affaires pour en avoir une resolution
9dont je n’ay voulu faire grande instance icy pour nous y estre
10ceste air contraire. L’on faict courir bruit depuis deux
11jours que ceulx de La Rochelle sont entrez en quelque
12parlement, et que Monsieur leur a du tout couppé le
13port. Si l’entreprinse va en longueur, les notres sont en
14dangers de souffrir incommodité des vivres. J’ay veu
15avoit une armée de mer preste à sortir pour aller
17secourir Mildebourg et deux autres villes de Holande que
18le prince d’Orenge tient assiegées, et que ses navires
19estoient venuz le long du canal d’Anvers tirer coups
20de canon jusques auprès de la ville, voulantz
21enfondrer quelques vaisseaulx dans ledict canal
22et par tous moiens essayer d’empescher la sortie
23de ladite armée, laquelle toutesfois estoit resolue
24d’en tenter le hazard, dont selon le succez ilz jugeoient
25deppendre ung grand bien ou grand mal, que ledict
26prince avoit mis des vivres et autres munitions
27dans Harlem, et y en pourroit encores mettre tant
28qu’il vouldroit par le moien du bras de mer qui donne iusques à ladite ville, et que d’une part et d’autre se font de grandes levées de gens et
29[235v°] autres preparatifz et y avoit neantmoins quelque trame
30d’accord. Aucuns disent icy que l’election d’un roy
31en Poloigne est faicte et demeurée au duc de Prusse.
32Toutesfois l’on ne le tient pour certain, d’autant mesmes
33qu’on ^ [^ avoit] auparavant nouvelles que ce estoit remise à ce mois.
34C’est où je feray fin par mes très humbles recommandations
35à votre bonne grace, priant Dieu,
36monseigneur, vous donner en parfaicte santé,
37très longue et heureuse vie. De Paris, ce 5e
38mars 1573
39Votre très humble et obeissant
40serviteur
41Revol